İYULUN 8-İ MOSKVADA MATƏM GÜNÜ ELAN EDİLMİŞDİR
Ötən şənbə günü Tuşino aerodromunda törədilən terror aktı nəticəsində həlak olanların xatirəsinə iyulun 8-i Rusiya paytaxtında matəm günü elan edilmişdir. Moskvanın meri Yuri Lujkov bu barədə müvafiq qərar imzalamışdır. AZƏRTAC-ın müxbiri xəbər verir ki, həmin sənədə əsasən, iyulun 8-də Moskvada kütləvi tədbirlər keçirilməsinə, kinoteatrlarda komediyalar göstərilməsinə, şəhərin telekanallarının isə əyləncəli proqramlar yayımlamasına icazə verilmir. Elə həmin qərarla Moskva hökuməti terrordan zərər çəkənlərə veriləcək kompensasiyanın məbləğini də müəyyənləşdirmişdir. Bundan əlavə, Tuşino faciəsində valideynlərini itirmiş uşaqlara hər ay 1,5 min rubl məbləğində müavinət veriləcəkdir.
Bölmənin digər xəbərləri
