Kanada vaksinasiya olunan amerikalılar üçün sərhədlərini açır
Bakı, 10 avqust, AZƏRTAC
Kanada koronavirus pandemiyası səbəbindən bir ildən çox bağlı qalan sərhədlərini peyvənd olunan amerikalı turistlər üçün açıb.
AZƏRTAC USA Today nəşrinə istinadla xəbər verir ki, bundan sonra koronavirusa qarşı vaksinasiyadan keçən Amerika vətəndaşlarına Kanadaya giriş icazə verilir. Bu, bir ildən çoxdur ki, yaxınlarını görə və Kanadada bizneslə məşğul ola bilməyən amerikalılar üçün böyük hadisədir.
Kanadaya gəlmək istəyən amerikalılar 72 saat öncə vaksinasiyanı təsdiq edən sənədi Kanada hökumətinin ArriveCAN platformasında təqdim etməlidir.
Qeyd edək ki, avqust ayının əvvəlində Kanadada koronavirusun dördüncü dalğasının başlayıb. Vəziyyət “delta” ştamının yayılması səbəbindən pisləşib.
Bölmənin digər xəbərləri
