KƏND XƏSTƏXANALARININ İNKİŞAFI DİQQƏT MƏRKƏZİNDƏDİR
Xanlar rayonunda səhiyyə xidmətinin səviyyəsini yüksəltmək məqsədi ilə son illər xeyli iş görülmüşdür. Xüsusilə, kənd və qəsəbələrdə səhiyyə ocaqlarının yenidən qurulmasına ciddi diqqət yetirilir. Keçən il Çaykənd və Balçılı kənd xəstəxanaları əsaslı təmir edilmişdir. Bu günlərdə isə Yeni Zod kəndindəki 15 çarpayılıq xəstəxanada əsaslı təmir işlərinə başlanılmışdır. Qısa vaxt ərzində binanın dam örtüyü və döşəməsi dəyişdirilmiş, pəncərə və qapıları təzələnmişdir.
Mərkəzi rayon xəstəxanasından AZƏRTAC-ın müxbirinə bildirmişlər ki, təmirdən sonra Mixaylovka və Göyçəkənd kəndlərinin sakinləri də bu sağlamlıq ocağının xidmətindən istifadə edəcəklər.
Bölmənin digər xəbərləri
