KƏNDLƏRDƏ YENİ ELEKTRON ATS-LƏRİN TİKİNTİSİ DAVAM ETDİRİLİR
AZƏRTAC xəbər verir ki, kəndlərdə yeni elektron ATS-lərin tikintisi davam etdirilir. Artıq 15 rayonun ATS olmayan 21 kənd və qəsəbəsində ümumi tutumu 5 min 920 nömrə olan elektron ATS-lər istifadəyə verilmişdir. Bunun nəticəsində həmin kəndlərin sakinləri telefon rabitəsi xidmətləri ilə yanaşı, digər müasir xidmətlərdən də bəhrələnmək şansı əldə etmişlər.
Bununla yanaşı, 27 rayonun 59 kənd və qəsəbəsində istismar olunan köhnə tipli ATS-lər elektron ATS-lərlə əvəz olunaraq, tutumları 11 min 486 nömrə artırılmışdır.
Hazırda kənd ATS-lərinin elektronlaşdırılması, onların birləşdirici xətlərinin fiber-optik kabellə əvəzlənməsi istiqamətində işlər davam etdirilir.
Bölmənin digər xəbərləri
