Kim Çen In son iyirmi gün ərzində ilk dəfə ictimaiyyət qarşısına çıxıb
Bakı, 2 may, AZƏRTAC
Koreya Mərkəzi Teleqraf Agentliyi KXDR lideri Kim Çen Inın aprelin 11-dən bu yana ilk dəfə ictimaiyyət qarşısına çıxdığı barədə məlumat yayıb.
AZƏRTAC Yonhap agentliyinə istinadla xəbər verir ki, KXDR lideri mayın 1-də Sunçhon şəhərində gübrə zavodunun tikintisinin başa çatması ilə bağlı təntənəli mərasimdə çıxış edərək açılış lentini kəsib.
Koreya Mərkəzi Teleqraf Agentliyi Kim Çen Inın zavodun açılış mərasimində çəkilmiş fotoşəkillərini və videogörüntülərini dərc edib.
Qeyd edək ki, Kim Çen Inın uzun illər ərzində ilk dəfə olaraq babası, KXDR-in qurucusu Kim İr Senin doğum günü ilə əlaqədar təntənəli mərasimdə iştirak etməməsi Şimali Koreya liderinin səhhəti ilə bağlı şayiələrə səbəb olmuşdu.
Bölmənin digər xəbərləri
