Kişi voleybolçulardan ibarət Azərbaycan millisi Gürcüstan yığmasına qalib gəlib
Bakı, 16 may, AZƏRTAC
Mayın 16-da kişi voleybolçulardan ibarət Azərbaycan millisi Avropa çempionatının seçmə mərhələsində sonuncu oyununu keçirib.
AZƏRTAC xəbər verir ki, Monteneqroda Azərbaycan millisi Gürcüstan yığması ilə qarşılaşıb.
İkinci dövrənin sonuncu oyunu hər iki komanda üçün formal xarakter daşıyıb. "Avro-2021"ə yüksəlmək şansını itirən autsayderlərin oyununda millimiz 3:0 hesabı ilə qalib gəlib.
Hesabında 6 xal olan Azərbaycan millisi qrupda üçüncü olub və mübarizəni dayandırıb.
Qeyd edək ki, final mərhələsinə qrup qalibləri və ən yaxşı nəticəyə malik beş ikinci yerin sahibi yüksələcək.
Bölmənin digər xəbərləri
