Kitabxananın hazırladığı növbəti videoçarx Nizami Gəncəvi yaradıcılığına həsr olunub
Bakı, 19 may, AZƏRTAC
Bakı Şəhər Mədəniyyət Baş İdarəsi Sabunçu rayon Mərkəzləşdirilmiş Kitabxana Sisteminin 9 nömrəli filialı dahi şair Nizami Gəncəvinin 880 illik yubileyi ilə əlaqədar videoçarx hazırlayıb.
İdarədən AZƏRTAC-a bildirilib ki, videoçarxda mövzu ilə bağlı ətraflı məlumat verilib. Bildirilib ki, Nizami Gəncəvi dünya ədəbiyyatı tarixinə məsnəvi formasında fars dilində yazdığı 5 poemadan ibarət “Xəmsə” (“Beşlik”, “Sirlər xəzinəsi”, “Xosrov və Şirin”, “Leyli və Məcnun”, “Yeddi gözəl”, “İsgəndərnamə”) müəllifi kimi daxil olub. Əsərlərini fars dilində yazıb, bu əsərlər dünyanın bir çox xalqlarının dilinə tərcümə olunub. Əlyazma nüsxələri bir çox ölkələrin məşhur kitabxana, muzey və əlyazmaları fondlarında qiymətli incilər kimi qorunub saxlanılır.
Qeyd edilib ki, Nizami Gəncəvi Yaxın Şərq xalqlarının ədəbiyyatına son dərəcə yüksək humanist ideyalar və yeni sənətkarlıq nailiyyətləri gətirib, Şərq ədəbiyyatında yeni bir istiqamət açıb.
Bölmənin digər xəbərləri
