Kolumbiyalı senator Azərbaycanın Meksikadakı səfirliyinə Xocalı soyqırımı ilə bağlı müraciət ünvanlamışdır
Bakı, 26 fevral (AZƏRTAC). Kolumbiya Senatının xarici əlaqələr komitəsinin üzvü, 2012-ci il martın 28-də Senatda qəbul edilmiş “Azərbaycan Respublikası ərazisinin qanunsuz işğal edilməsi” adlı qərarın müəllifi Alexandra Moreno Pirakive Azərbaycanın Meksikadakı səfirliyinə Xocalı soyqırımı ilə bağlı müraciət ünvanlanmışdır.
Səfirlikdən AZƏRTAC-a bildirilmişdir ki, müraciətdə Xocalı soyqırımı qurbanlarının xatirəsinin yad edildiyi, Kolumbiya Senatı və xalqının Azərbaycanın qardaş xalqı ilə həmrəy olduğu vurğulanmışdır. Həmçinin 1992-ci il fevralın 25-dən 26-na keçən gecə Ermənistanın işğalçı qoşunları tərəfindən 613 azərbaycanlının öldürüldüyü xatırlanmış, bu zorakılıq aktının unudulmaması və bir daha təkrarlanmaması naminə davamlı birgə işin aparılmasına çağırış öz əksini tapmışdır.
Müraciətdə Kolumbiya Konqresi Senatının və Nümayəndələr Palatasının üzvlərinin hər iki palatada müvafiq qərarlar qəbul etməklə Azərbaycan xalqının kədərini bölüşdükləri qeyd edilmiş, onların Xocalı soyqırımının təqsirkarlarını yekdilliklə qınadıqları diqqətə çatdırılmışdır.
Bölmənin digər xəbərləri
