KROSS ÜZRƏ AZƏRBAYCAN ÇEMPİONATININ QALİBLƏRİ MƏLUM OLMUŞDUR
AZƏRTAC xəbər verir ki, Nabranda kross üzrə Azərbaycan çempionatına yekun vurulmuşdur.
Yarışda altı komandanın tərkibində 130-dan çox idmançı mübarizə aparmışdır.
Qadınların və kişilərin 4 kilometr məsafəyə qaçışında Bakı idmançıları Ənifə Xəlilova və Rəşad Mədətov birinci yeri tutmuşlar. Cavid Abdullayev (Bakı) oğlanlar arasında 8 kilometr məsafəyə qaçışda fəxri kürsünün ən yüksək pilləsinə qalxmışdır. Qadınlar arasında həmin məsafəni hamıdan tez Mahirə İsmayılova (Bakı) qət etmişdir.
Qızların 2 və 6 kilometr məsafəyə yarışmasında, müvafiq olaraq, Səbinə Babayeva (Sumqayıt) və Elvira Nadurmetova (Xaçmaz) fərqlənmişlər.
Orxan Əsgərov (Bakı) oğlanların 3 kilometr, Pərviz Fərziyev (Astara) isə kişilərin 12 kilometr məsafəyə yarışında ölkə çempionu adını qazanmışlar.
Komanda hesabında ən yaxşı nəticəni Bakı idmançıları göstərmişlər. Xaçmaz və Sumqayıt atletləri isə müvafiq olaraq, ikinci, üçüncü yerləri tutmuşlar.
Bölmənin digər xəbərləri
