KÜRDƏMİRDƏ KARTOF ƏKİNİ SAHƏLƏRİ ARTIRILIR
Son illər Kürdəmir rayonunda qeyri-ənənəvi sahə olan kartofçuluq sürətlə inkişaf edir. Rayon icra hakimiyyətindən AZƏRTAC-ın müxbirinə bildirmişlər ki, keçən il 13 min ton kartof istehsal edilən rayonda cari ilin məhsulu üçün indiyədək 1210 hektarda əkin aparılmışdır ki, bu da ötən ildəkindən çoxdur.
Rayonun Axtaçı, Qocalı, Carlı və digər ərazilərində sahibkarlar təsərrüfatın bu sahəsinə böyük maraq göstərirlər. Bəzi kəndlərdə kartof əkini hələ də davam etdirilir. Bundan sonra 30-40 hektar sahədə əkin keçiriləcəyi gözlənilir.
Bölmənin digər xəbərləri
