Kürdəmirdə seçki məntəqələri zəruri avadanlıqlarla təmin edilib
Kürdəmir, 29 mart, AZƏRTAC
Aprelin 11-də keçiriləcək prezident seçkilərinə hazırlıq işləri 57 saylı Kürdəmir seçki dairəsi üzrə də yüksək səviyyədə təşkil olunub.
Dairə seçki komissiyasından AZƏRTAC-ın bölgə müxbirinə bildirilib ki, dairə üzrə 41 seçki məntəqəsi seçkilərə tam hazırdır. Məntəqələr bütün zəruri avadanlıqlarla təmin edilib. Bu mühüm kampaniyanın Seçki Məcəlləsinə uyğun, azad və demokratik keçirilməsi üçün bütün zəruri tədbirlər görülüb. Bəzi məntəqələrdə veb-kamera quraşdırılıb.
Dairə üzrə dəqiqləşdirilən siyahıya görə 42400 nəfər seçici var ki, onlardan 1423 nəfəri ilk dəfə səs verən gənclər, 4 nəfəri 100 yaşdan yuxarı ahıllardır.
Seçkilərin yüksək səviyyədə keçirilməsi məqsədilə məntəqə sədrləri üçün ixtisaslaşdırılmış kurslar təşkil olunub. Habelə, məntəqə seçki komissiyalarının sədrləri, katibləri və üzvləri üçün maarifləndirici treninqlər keçirilib.
Prezidentliyə namizədlərin seçicilərlə görüş yerləri də müəyyən olunub. Hazırda seçicilərə bildirişlər paylanılır.
Bölmənin digər xəbərləri
