KÜRDƏMİRDƏ YENİ POÇT BİNALARI TİKİLİR
AZƏRTAC xəbər verir ki, Kürdəmir rayonunda əhaliyə göstərilən poçt xidmətinin daha yaxşı təşkili istiqamətində ardıcıl tədbirlər həyata keçirilir.
“Azərpoçt” Dövlət Müəssisəsinin Kürdəmir filialından verilən məlumata görə, ilin ötən dövründə 4 kənddə yeni poçt binası tikilib istifadəyə verilmişdir.
Hazırda daha 4 kənddə poçt şöbələri üçün təzə binalar inşa edilir. İlin sonunadək Topalhəsənli, Xirdapay, Karrar və Çöhranlı kəndlərində sakinlərə yeni binalarda bütün növ poçt xidmətləri göstəriləcəkdir.
