Laçın şəhərində qarın hündürlüyü 60 santimetrə çatıb - yollar təmizlənir VİDEO
Laçın, 11 fevral, AZƏRTAC
Laçın şəhərinə yağan qarın hündürlüyü 60 santimetrə çatıb. Yollarda təhlükəsiz hərəkətin təmin edilməsi məqsədilə aidiyyəti qurumlar gücləndirilmiş rejimdə fəaliyyət göstərir.
Laçın Rayonunda Bərpa, Tikinti və İdarəetmə Xidmətindən AZƏRTAC-ın bölgə müxbirinə bildirilib ki, səhər saatlarından etibarən Xidmətə məxsus qar təmizləyən və yollara qum-çınqıl qarışığı səpən xüsusi texnikalar işə cəlb olunub.
Hazırda şəhərdaxili və şəhərətrafı yollarda hərəkətin təhlükəsizliyinin təmin olunması istiqamətində zəruri tədbirlər davam etdirilir.
Qeyd edilib ki, payız-qış mövsümünə hazırlıq planına uyğun olaraq qabaqcadan müasir tələblərə cavab verən texnikalar sazlanaraq hazır vəziyyətə gətirilib, eyni zamanda, kifayət qədər qum-çınqıl ehtiyatı yaradılıb.
Bununla yanaşı, “Laçın Abadlıq Xidməti” ASC tərəfindən şəhər ərazisində küçə və ictimai məkanların qardan təmizlənməsi istiqamətində müvafiq tədbirlər görülür.
Bölmənin digər xəbərləri
