Latviya Prezidenti koronavirus səbəbindən Almaniyaya səfərini təxirə salıb
Riqa, 25 avqust, AZƏRTAC
Latviya Prezidenti Eqil Levits bu həftə Almaniyaya planlaşdırılan səfərini təxirə salıb.
AZƏRTAC xəbər verir ki, bunu Latviya Prezidentinin müşaviri Ayva Rozenberq bəyan edib.
O bildirib ki, Xəstəliklərin Profilaktikası və Nəzarət Mərkəzinin COVID-19-un Avropa ölkələrində yayılması ilə bağlı açıqladığı məlumatlar nəzərə alınaraq, tərəflər səfərin tarixinin başqa vaxta keçirilməsi barədə razılıq əldə ediblər.
Səfərin vaxtı hələlik dəqiqləşdirilməyib.
Bundan əlavə, Latviya Prezidenti sentyabrın 8-də Polşada keçiriləcək iqtisadi forumda iştirak etməmək qərarı verib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
