LƏNKƏRAN RAYONUNUN VİLVAN KƏNDİNDƏ ELEKTRON ATS AÇILMIŞDIR
AZƏRTAC xəbər verir ki, Lənkəran rayonunun Vilvan kəndində 768 nömrəlik elektron tipli avtomat telefon stansiyası (ATS) açılmışdır.
Bu münasibətlə keçirilən mərasimdə Lənkəran Şəhər İcra Hakimiyyətinin başçısı Süleyman Mikayılov, Milli Məclisin sosial siyasət daimi komissiyasının sədri Hadi Rəcəbli, “Aztelekom” İstehsalat Birliyinin şöbə müdiri Həzrətqulu Məmmədov, rabitə işçiləri, kəndin ağsaqqaları və ictimaiyyətin nümayəndələri çıxış etmişlər. Onlar yeni ATS-in əlamətdar gündə - ümummilli liderimiz Heydər Əliyevin 85 illik yubileyinin, faşizm üzərində böyük Qələbənin ildönümünün qeyd edildiyi bir vaxtda istifadəyə verildiyini vurğulamış, kənd sakinlərini təbrik etmişlər. Natiqlər regionların sosial-iqtisadi inkişafına göstərdiyi qayğıya görə Prezident İlham Əliyevə minnətdarlıqlarını bildirmişlər.
Bölmənin digər xəbərləri
