LƏNKƏRANDA QADIN PROBLEMLƏRİNƏ HƏSR OLUNMUŞ DƏYİRMİ MASA KEÇİRİLMİŞDİR
Rayonda fəaliyyət göstərən qadın təşkilatlarının, hüquq-mühafizə orqanlarının, təhsil, səhiyyə müəssisələrinin nümayəndələrinin və din xadimlərinin iştirak etdiyi tədbirdə şəhər icra hakimiyyəti başçısının müavini Raqif Əliyev, Ailə, Qadın və Uşaq Problemləri üzrə Dövlət Komitəsinin məsul işçiləri Yeganə Mustafazadə, Samir Abdullayev və Elgün Səfərov, BMT-nin Qadın İnkişaf Fondunun (UNİFEM) dəstəyi ilə yaradılmış “Koalisiya 1325” təşkilatının üzvü Sevda Məmmədova çıxış edərək qadınlar və kişilər arasında gender bərabərliyindən, ailədə və cəmiyyətdə qadınların üzləşdiyi problemlərdən, erkən nigahların xoşagəlməz nəticələrindən danışmış, qadın problemlərinin həllində ailə, məktəb və ictimaiyyətin birgə fəaliyyətinin zəruriliyini vurğulamışlar.
