Lerik rayonunun Barzavu kəndində yeni məktəb binası istifadəyə verilmişdir
Lerik, 14 dekabr (AZƏRTAC). Dekabrın 14-də Lerik rayonunun Barzavu kəndində 180 şagird yerlik yeni məktəb binası istifadəyə verilmişdir.
AZƏRTAC xəbər verir ki, regionların sosial-iqtisadi inkişafına dair ikinci Dövlət Proqramında müəyyən edilmiş tədbirlərə müvafiq olaraq tikilən yeni təhsil müəssisəsi 9 sinif otağı, fizika və kimya laboratoriya otaqları, kompyuter otağı, bufet və idman zalından ibarətdir. Məktəb müasir istilik sistemi ilə təchiz edilmişdir.
Yeni məktəb binasının istifadəyə verilməsi münasibətilə keçirilən mərasimində çıxış edənlər məktəbin pedaqoji və şagird kollektivini təbrik etmiş, ucqar dağ rayonunda təhsilin inkişafına, onun maddi-texniki bazasının möhkəmləndirilməsinə göstərilən diqqət və qayğıya görə Azərbaycan Respublikasının Prezidenti İlham Əliyevə minnətdarlıqlarını bildirmişlər.
Bölmənin digər xəbərləri
