Litvada 40 mindən çox ukraynalı qaçqın qeydiyyata alınıb
Vilnüs, 6 aprel, AZƏRTAC
Litvada 40 min 400 ukraynalı qaçqın qeydiyyata alınıb. Onlardan 17 mini yetkinlik yaşına çatmayanlardır.
AZƏRTAC Litva mətbuatına istinadla xəbər verir ki, bu barədə məlumatı ölkənin Statistika Departamenti yayıb.
Bildirilib ki, Litvaya gələn ukraynalıların təxminən üçdə biri Vilnüs Qeydiyyat Mərkəzində qeydiyyatdan keçib. Digərləri isə Miqrasiya Departamentinin ərazi üzrə şöbələrində, Klaypeda, Kaunas, Alitus, Şyaulyay və Mariyampole şəhərlərindəki qeydiyyat mərkəzlərində qeydiyyatdan keçiblər.
Qeyd edilib ki, Litvaya gələn qaçqınların təxminən 4 min 6 nəfəri altı yaşadək olan uşaqlar, 12 min 400-ü isə 6-18 yaş aralığında olanlardır.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
