Litvanın tanınmış xəbərlər portalı Xocalı faciəsindən yazmışdır
Bakı, 26 fevral (AZƏRTAC). Litvanın www.balsas.lt xəbərlər portalında Litva Azərbaycanlıları Cəmiyyətinin sədri Mahir Həmzəyevin Xocalı faciəsinin 22-ci ildönümü ilə bağlı müsahibəsi yerləşdirilmişdir.
Diasporla İş üzrə Dövlət Komitəsindən AZƏRTAC-a bildirilmişdir ki, müsahibə Litvanın tanınmış publisisti, siyasi şərhçi və Litva televiziyasında müəllif proqramının aparıcısı Tomas Çivas tərəfindən götürülmüşdür.
Müsahibənin mətni fevralın 26-da Cəmiyyətin xətti ilə Litva Seyminin üzvlərinə, Xarici İşlər, Mədəniyyət nazirliklərinə, Nazirlər Kabinetinə, Prezidentin xarici siyasət məsələləri üzrə müşavirlərinə, akademik dairələrin təmsilçilərinə, politoloqlara, ictimai və mədəni xadimlərə göndərilmişdir.
Bölmənin digər xəbərləri
