Londonda arbaletlə silahlanmış şəxs polis tərəfindən öldürülüb
Bakı, 30 yanvar, AZƏRTAC
Londonun cənub-şərqində binaya zorla girmək istəyən silahlı şəxs polis tərəfindən öldürülüb.
AZƏRTAC “İndependent”ə istinadla xəbər verir ki, çərşənbə axşamı səhər saatlarında polisə 30 yaşlarında olan şəxsin Surrey Quays əyalətində bir binaya girməyə cəhd etməsi və içəridəki insanları hədələməsi barədə məlumat daxil olub.
Silahsız zabitlər onunla danışmaq istəsələr də, şəxs onlara məhəl qoymayıb. Silahlı polislər yaxınlaşarkən isə o, binaya daxil olmağa cəhd edib və nəticədə güllələnib.
Həmin şəxsə ilkin tibbi yardım göstərilsə də, hadisə yerində həlak olub. Binada olan iki nəfər isə yüngül bədən xəsarətləri alıb.
Bölmənin digər xəbərləri
