Macarıstan virusoloqları əhalini peyvənd olunmağa çağırıblar
Budapeşt, 27 noyabr, AZƏRTAC
Macarıstan Virusoloqlar Assosiasiyası əhalini immunizasiyaya çağırıb.
AZƏRTAC xəbər verir ki, alimlər vətəndaşlara qış qripi təhlükəsinə daha ciddi yanaşmağı və mütləq surətdə peyvənd olunmağı xatırlatmağı zəruri hesab ediblər. Virusun yeni variantının COVID-19-dan daha böyük təhlükə yaratdığına inanılır. Builki koronavirus epidemiyası ötən illərdəki kimi ciddi görünmür, lakin virus daim mutasiyaya uğrayır və insanların əvvəlcədən qorunması lazımdır.
Bu gün həkimlər qrip peyvəndinin koronavirus peyvəndindən daha vacib olduğuna inanırlar. Adətən, yanvardan aprel ayına qədər davam edən qrip epidemiyası başlamazdan əvvəl peyvənd etmək tövsiyə olunur. Çox güman ki, gələn il də bu proses davam etdiriləcək.
Virusoloqlar deyirlər: “Bu günlərdə peyvənd olunsanız, orqanizmin immuniteti inkişaf etdirmək üçün kifayət qədər vaxtı olacaq. Xüsusilə hamilə qadınlar üçün vaksinasiya tövsiyə olunur, çünki qrip virusu dölə yoluxa bilməsə də, anada xəstəliyi müşayiət edən yüksək temperatur ona zərər verə bilər.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
