Mahaçqalada partlayış nəticəsində ölənlərin sayı 10 nəfərə çatıb YENİLƏNİB
Moskva, 28 sentyabr, AZƏRTAC
Mahaçqalada yerləşən “Plus” yanacaqdoldurma məntəqəsində baş verən partlayış nəticəsində ölənlərin sayı 10 nəfərə çatıb.
AZƏRTAC xəbər verir ki, daha 11 nəfərin xəsarət aldığı bildirilir. Onların vəziyyəti orta ağır kimi qiymətləndirilir.
Hazırda hadisə yerində yanğının söndürülməsi və dağıntıların aradan qaldırılması istiqamətində işlər davam edir. İlkin məlumata görə, partlayış yanacaqdoldurma məntəqəsində benzinin alışması nəticəsində baş verib.
20:20
Moskva, 27 sentyabr, AZƏRTAC
Mahaçqalada yerləşən “Plus” yanacaqdoldurma məntəqəsində baş verən partlayış nəticəsində 4 nəfər ölüb, 2 nəfər ağır yaralanıb.
AZƏRTAC xəbər verir ki, bu barədə Dağıstanın Səhiyyə Nazirliyi məlumat yayıb.
Qeyd olunur ki, partlayış nəticəsində elektrik xətti sıradan çıxıb. Zərbə dalğası yaxınlıqdakı üçmərtəbəli binanın divarını uçurub. Hadisə zamanı 10 avtomobilə ziyan dəyib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
