MALAYZİYADA BİLYARD OYUNUNA İCAZƏ VERİLMİŞDİR
AZƏRTAC “Novosti” agentliyinə istinadla xəbər verir ki, Malayziyanın Kelantan ştatı ərazisində 15 il əvvəl qadağan edilmiş bilyard oyununa yenidən icazə verilmişdir. Lakin Baş nazirin imzaladığı fərmana görə, bir sıra şərtlərə riayət olunmalıdır. Məsələn, pulla bilyard oynamaq qadağan edilmişdir.
Baş nazir jurnalistlərə müsahibəsində demişdir ki, məhdudiyyətlər qanunların və mənəviyyatın pozulmasının qarşısını almaq məqsədi güdür. Bilyard masaları açıq havada qoyulmalı və gün batandan sonra yığışdırılmalıdır. Qadınların və kişilərin eyni vaxtda oynaması, oyun zamanı siqaret çəkmək və spirtli içki içmək də qadağan edilir.
Bölmənin digər xəbərləri
