“Mançester Siti” klubunun iki futbolçusu koronavirusa yoluxub
Bakı, 7 sentyabr, AZƏRTAC
İngiltərənin “Mançester Siti” klubunun iki futbolçusu koronavirusa yoluxub.
AZƏRTAC klubun saytına istinadla xəbər verir ki, testi pozitiv çıxanlar yarımmüdafiəçi Riyad Mahrez və müdafiəçi Emerik Laportdur. Hazırda hər iki futbolçu karantindədir. Onların səhhətinin yaxşı olduğu bildirilir.
Qeyd edək ki, R.Mahrez Mançester təmsilçisinin heyətində keçirdiyi 50 oyunda 13 qol vurub. E.Laport isə iştirak etdiyi 20 oyunda bir dəfə fərqlənib.
Bölmənin digər xəbərləri
