MAQADAN VİLAYƏTİ QUBERNATORUNUN QƏTLİNDƏ ŞÜBHƏLİ BİLİNƏN YEDDİ NƏFƏR AXTARILIR
Maqadan vilayətinin qubernatoru Valentin Svetkovun qətlə yetirilməsində şübhəli bilinən yeddi nəfərin beynəlxalq axtarışı elan edilmişdir. İTAR-TASS xəbər verir ki, bu şübhəli şəxslərin axtarışı ilə Moskva Cinayət Axtarışı İdarəsinin əməkdaşları DİN-dəki həmkarları ilə birgə məşğul olurlar. Moskva Daxili İşlər Baş İdarəsində onların adları elan edilmişdir. Bunlar, Sergey Qordiyenko, Martin Babakesyan, Aleksandr Zaxarov, Yuri Rajkin, Masif Axunts, Yevgeni Kovalyov və Konstantin Korşukovdur. İştintaq onların Ermənistan, Ukrayna və Belarus ərazilərində gizlənə biləcəklərini də istisna etmir. Şübhəli şəxslər barədə informasiya və onların fotorobortları bir sira digər ölkələrin hüqüq mühafizə orqanlarına da göndərilmişdir. Bundan əvvəl Maqadan vilayəti qubernatorunun qətlində əli olduğu guman edilənlərdən biri – Yerevan şəhərinin sakini Artur Anisimov həbs edilmişdir. Artıq ona qarşı ittiham irəli sürülmüşdür. Xatırladaq ki, Valentin Svetkov 2002-ci il oktyabrın 18-də Moskvanın mərkəzində - Arbatda naməlum şəxslər tərəfindən güllə ilə öldürülmüşdür.
Bölmənin digər xəbərləri
