Martın 19-dan "Kapital Bank"ın səhm sahiblərinə dividendlərin ödənilməsinə başlanacaq
Bakı, 16 mart, AZƏRTAC
Martın 19-dan etibarən "Kapital Bank"ın səhmdarlarına dividendlərin ödənilməsinə başlanılacaq.
Bankdan AZƏRTAC-a bildiriblər ki, "Kapital Bank"ın baş ofisində keçirilən bank səhmdarlarının növbəti ümumi yığıncağının qərarına əsasən, martın 19-dan bankın martın 13-nə olan səhm sahiblərinə dividendlərin ödənilməsinə başlanılacaq.
Dividendləri almaq üçün Bakı şəhərində yaşayan səhmdarlar Bakı şəhəri, Füzuli küçəsi 71 ünvanına, respublikanın digər şəhər və rayonlarında yaşayan səhmdarlar isə "Kapital Bank"ın yerli filiallarına şəxsiyyəti təsdiq edən sənədlə müraciət edə bilərlər.
Bölmənin digər xəbərləri
