Masallıda daha bir tibb müəssisəsi açılmışdır
Masallı, 10 iyul (AZƏRTAC). İyulun 10-da Masallı rayonunda daha bir tibb müəssisəsi sakinlərin ixtiyarına verilmişdir.
AZƏRTAC xəbər verir ki, Dünya Bankının maliyyələşdirdiyi “İkinci Azərbaycan Kənd İnvestisiya Layihəsi” (AzKİL-2) çərçivəsində rayonun Türkoba kəndində həkim məntəqəsinin açılışı olmuşdur.
Yeni səhiyyə ocağının istifadəyə verilməsi münasibətilə keçirilən mərasimdə çıxış edən rayon icra hakimiyyətinin başçısı Rafil Hüseynov, AzKİL-2-in direktoru Sübhan Əsgərov və başqaları kənd sakinlərini əlamətdar hadisə münasibətilə təbrik etmişlər.
Mərasimdə kənd sakinləri çıxış edərək əhalinin sağlamlığına göstərilən diqqət və qayğıya görə dövlətimizin başçısına minnətdarlıqlarını bildirmişlər.
Bölmənin digər xəbərləri
