MDB MƏKANINDA SƏHİYYƏ İLƏ BAĞLI MODEL QANUN HAZIRLANACAQ
Milli Məclisin sosial siyasət daimi komissiyasının üzvü Vəsadət Əzizov AZƏRTAC-ın müxbirinə bildirmişdir ki, bu məsələ MDB Parlament Assambleyasının səhiyyə və sosial məsələlər komitəsinin bu yaxınlarda Sankt-Peterburqda keçiriləcək iclasında geniş müzakirə olunacaqdır.
Dünya Səhiyyə Təşkilatının tövsiyələrinə uyğun olaraq, hər bir dövlət özü üçün qanunlar hazırlayır. Amma bu qanunların MDB məkanında işləməsi üçün mexanizm yoxdur. Bundan əlavə, həmin qanunlar dövlətlərin öz milli xüsusiyyətlərinə uyğun hazırlanır. Bu isə bir sıra maneələr yaradır. Səhiyyə isə elə bir sahədir ki, burada məsələyə qlobal yanaşılmalıdır. Ona görə də Parlament Assambleyası model qanun hazırlanmasını qərara almışdır.
Azərbaycan nümayəndə heyəti səhiyyə model qanuna öz təkliflərini verəcəkdir.
Bölmənin digər xəbərləri
