MƏHKUMLUQDAN AZAD OLUNMUŞ QADINLARA QAYĞI GÖSTƏRİLİR
“Lider qadınlar” ictimai birliyi Avrasiya Fondunun maliyyə dəstəyi ilə “Məhkumluqdan azad olunmuş qadınların reabilitasiyası” layihəsinin həyata keçirilməsinə başlanmışdır. Birlikdən AZƏRTAC-ın müxbirinə bildirmişlər ki, layihə çərçivəsində qadınlara hüquqi yardım və tibbi xidmət göstərilir, onlar zəruri geyim əşyaları ilə təmin olunurlar. Birlik həm də məhkumluqdan azad olunmuş qadınların məşğulluğunun təmin edilməsi istiqamətində də fəaliyyət göstərəcəkdir.
