MEK Zümrüd Quluzadənin biobiblioqrafik göstəricisini hazırlayıb
Bakı, 31 yanvar, AZƏRTAC
Mərkəzi Elmi Kitabxana (MEK) Azərbaycan Milli Elmlər Akademiyasının (AMEA) Rəyasət Heyətinin qərarı ilə Əməkdar elm xadimi, fəlsəfə elmləri doktoru Zümrüd Quluzadənin biobiblioqrafik göstəricisini hazırlayıb.
MEK-dən AZƏRTAC-a bildirilib ki, “Azərbaycanın elm və mədəniyyət xadimləri” seriyası altında çapdan çıxmış biobiblioqrafik göstərici “Elm” nəşriyyatının məhsuludur.
Kitabda alimin həyatı, elmi, pedaqoji və ictimai-siyasi fəaliyyəti, 1961-2016-cı illərdə Azərbaycan və xarici dillərdə ölkəmizdə və xaricdə çap edilən əsərlərinin biblioqrafiyası ilə tanış olmaq olar. Alimin 85 illiyinə həsr olunmuş biobiblioqrafik vəsaitin tərtibçisi və redaktoru Kəmalə Məmmədovadır.
Biobiblioqrafik vəsait mədəniyyətşünaslığın müxtəlif sahələri: elmin metodologiyası, fəlsəfə, sosiologiya, tarix və ədəbiyyat üzrə elmi-tədqiqat işi aparan alimlər, ali məktəb müəllimləri və tələbələr, eləcə də geniş oxucu kütləsi üçün nəzərdə tutulub.
Bölmənin digər xəbərləri
