Meksikalı senatorlar Xocalıda dinc insanların qətlə yetirilməsini pisləmişlər
Bakı, 26 fevral (AZƏRTAC). Meksika Birləşmiş Ştatları Senatının xarici əlaqələr komitəsinin sədri Qabriela Kuevas Barron, Senatın üzvləri Ana Qabriela Qevara, Anxelika Arauxo Lara və Rosa Adriana Diaz Xocalı soyqırımının 22-ci ildönümü ilə əlaqədar Azərbaycanın Meksikadakı səfirliyinə müraciət ünvanlanmışlar.
Səfirlikdən AZƏRTAC-a bildirilmişdir ki, müraciətdə Xocalı faciəsi qurbanlarının xatirəsinin yad edildiyi bildirilmiş, qardaş Azərbaycan xalqı ilə həmrəylik ifadə olunmuşdur. 1992-ci il fevralın 25-dən 26-na keçən gecə qadınlar, uşaqlar, qocalar daxil olmaqla 613 azərbaycanlının öldürüldüyü qeyd edilən müraciətdə həmin insanların yaşamaq hüququnun əllərindən alınması pislənmişdir.
Senatorlar Azərbaycan xalqının bu faciə ilə bağlı kədərinə şərik olduqlarını bildirmiş, Meksika xalqının öz duaları ilə Azərbaycan xalqının yanında olduğunu diqqətə çatdırmışlar.
Müraciətdə Azərbaycan xalqına hörmət və dostluq hissi bir daha ifadə olunmuşdur.
Bölmənin digər xəbərləri
