MƏKTƏBDƏ “UŞAQ PARLAMENTİ” FƏALİYYƏT GÖSTƏRİR
Respublikamızda “İctimai fəal məktəb” layihəsi ilk dəfə Lənkəranda tətbiq olunmuşdur. Layihənin əsas prinsipi təhsilin demokratikləşdirilməsi, könüllülük, məktəbin ictimaiyyətlə əməkdaşlığıdır. AZƏRTAC-ın müxbiri xəbər verir ki, Lənkərandakı 10 nömrəli məktəb “İctimai fəal məktəb” layihəsini həyata keçirərək, İnternet şəbəkəsinə qoşulmuş, maraqlı iş formalarına yiyələnmişdir. Bu sahədə uğurlu fəaliyyətin nəticəsi kimi, məktəbin direktoru bir qrup müəllimlə birgə Moldova Respublikasında ölkəmizi təmsil etmişdir.
Moldovalı dostlarının təcrübəsindən faydalanan lənkəranlılar məktəbdə “uşaq parlamenti” yaratmışlar.
Həmkarların növbəti görüşü Ukraynada keçiriləcəkdir. Sentyabr ayında isə Moldova və Ukrayna müəllimləri Lənkərana gələcəklər.
Bölmənin digər xəbərləri
