“Məktəblərdə futbol dərsi” layihəsinin açılışı olmuşdur
Bakı, 31 oktyabr (AZƏRTAC). Binə qəsəbəsindəki 136 nömrəli orta məktəbin ərazisində AFFA tərəfindən inşa olunmuş süni örtüklü meydançada “Məktəblərdə futbol dərsi” layihəsinin açılışı olmuşdur.
AZƏRTAC xəbər verir ki, tədbirdə Azərbaycan milli komandasının və Bakının “İnter” klubunun üzvü Vaqif Cavadov iştirak etmişdir.
Məktəbin direktoru Lütfiyyə Qasımova çıxış edərək iştirakçıları salamlamışdır. Sonra L.Qasımova və Vaqif Cavadov topa ilk toxunuş etmişlər. Tanınmış futbolist şagirdlərə avtoqraf vermişdir.
Qeyd edək ki, 136 nömrəli orta məktəbdə bu layihə 410 şagirdi əhatə edəcəkdir.
Bölmənin digər xəbərləri
