MƏKTƏBLƏRİN MADDİ-TEXNİKİ BAZASI MÖHKƏMLƏNDİRİLƏCƏKDİR
Ağdaş Rayon Təhsil Şöbəsindən bildirmişlər ki, ölkəmizin ümumtəhsil məktəblərinin maddi-texniki bazasının möhkəmləndirilməsi haqqında Azərbaycan Prezidentinin 4 oktyabr 2002-ci il tarixli Sərəncamına uyğun olaraq, rayonun təhsil müəssisələrinin inkişaf planı hazırlanmışdır. Rayonun Kotavan kəndində 264, Qaradeyin kəndində 320, Kükəl kəndində isə 200 şagird yeri olan yeni məktəb binaları tikiləcəkdir. Hapıtlı Mürsəl, Küvəkənd, Tofiqi, Araliki, Malay, Şəkili və Qaroğlan kəndlərindəki mövcud məktəb binalarında təmir işləri görüləcək, əlavə sinif otaqları tikiləcəkdir. Yenicə başa çatmış yay tətili günlərində məktəblərdə 20 milyon manatlıq təmir işi görülmüşdür.
Bölmənin digər xəbərləri
