MELİORATİV TƏDBİRLƏR GÖRÜLMÜŞDÜR
Respublika Kənd Təsərrüfatı Nazirliyi yanında Meliorasiya və Su Təsərrüfatı Agentliyinin Saatlı rayonundakı müvafiq qurumlarının həyata keçirdiyi tədbirlər nəticəsində ötən il rayonda 20 min hektardan artıq torpaq sahəsinin suvarılma və şorlaşmadan mühafizə imkanları təmir edilmişdir.
İcra hakimiyyətindən AZƏRTAC-ın müxbirinə bildirmişlər ki, Əhmədbəyli, Məmmədabad, Şirinbəyli, Qara Nuru, Fətəlikənd, Xanlarkənd, Çolpı, Qarayevkənd, Gomuşçu, Qaracalar, Əlisoltanlı, Potubəyli və Dədə Qorqud kəndlərində 407 kilometr uzunluğunda suvarma arxları və kollektorlar lildən təmizlənmiş, 28 hidrotexniki qurğu, habelə 6 nasos əsaslı təmir olunmuşdur.
