MƏDƏNİYYƏT
MEMARLAR İTTİFAQININ REGİONAL ŞÖBƏSİ YARADILMIŞDIR
Oktyabrin 6-da qeyd olunacaq Dünya memarlar günü münasibətilə Azərbaycan Memarlar İttifaqı bir sıra tədbirlər nəzərdə tutmuşdur. Mingəçevirdə 8 rayonu əhatə edəcək regional şöbənin açılması həmin tədbirlərdən biri idi. Açılış mərasimində İttifaqın birinci vitse-prezidenti Hafiz Əmirxanovun başçılığı ilə nümayəndə heyəti iştirak etmişdir.
Geniş prospektləri, kölgəli parkları, fəvvarələri olan Mingəçevirin indiki siması Azərbaycan Prezidenti Heydər Əliyevin bu sözlərinə tamamilə uyğun gəlir: “Mingəçevir təkcə energetiklər, kimyaçılar və toxucular şəhəri deyil, həm də Azərbaycanın gözəl şəhərlərindən biridir”.
Memarlar İttifaqının nümayəndə heyətinin üzvləri azərbaycanlıların soyqırımı və deportasiyası, “Ana dili” abidələrinin önünə gül-çiçək dəstələri qoymuşlar.
Regional şöbənin birinci iclasında Mingəçevirin baş memarı Allahverdi Əliyev idarə heyətinin sədri seçilmişdir.
Bölmənin digər xəbərləri
