MEMARLIQ VƏ İNŞAAT UNİVERSİTETİ TƏLƏBƏLƏRİNİN LAYİHƏLƏRİ SƏRGİSİ AÇILMIŞDIR

18.04.2006 [21:54]
Çap et
A⁺ A^-

AZƏRTAC xəbər verir ki, Səttar Bəhlulzadə adına sərgi salonunda Azərbaycan Memarlıq və İnşaat Universitetinin (AMİU) 30 illik yubileyi münasibətilə bu ali təhsil ocağının memarlıq fakültəsi tələbələrinin layihələrindən ibarət sərgi açılmışdır.

Açılış mərasimində universitetin rektoru, professor Gülçöhrə Məmmədova çıxış edərək, ötən 30 ildə bu ali təhsil müəssisəsində əldə olunmuş uğurlardan danışmışdır.

Təhsil nazirinin müavini İradə Hüseynova, Fransanın ölkəmizdəki səfiri Bernar Amodrik dü Şafon, Memarlar İttifaqının sədri Hafiz Əmirxanov və başqaları universitetin kollektivini qarşıdan gələn əlamətdar gün münasibətilə təbrik etmiş, sərginin əhəmiyyətini vurğulamışlar.

Sonra tədbir iştirakçıları tələbələrin yaradıcılıq layihələri ilə tanış olmuşlar.