MƏMMƏDAĞA HÜSEYNOVUN 80 İLLİK YUBİLEYİ QEYD OLUNMUŞDUR
Bakı, 11 mart (AZƏRTAC). Muzey Mərkəzində xalq rəssamı Məmmədağa Hüseynovun 80 illiyinə həsr olunmuş tədbir keçirilmişdir.
Dövlət Film Fondunun direktoru, əməkdar incəsənət xadimi Cəmil Quliyev, kinoşünas Aydın Kazımzadə və başqaları M.Hüseynovun yaradıcılığı haqqında məlumat vermişlər.
Bildirilmişdir ki, tanınmış sənətkar “Ögey ana”, “Böyük dayaq”, “Sehrli xalat”, “Əhməd haradadır?”, “Liftçi qız”, “Bizim Cəbiş müəllim”, “O qızı tapın”, “Nəsimi”, “Asif, Vasif, Ağasif” və s. filmlərə bədii tərtibat vermişdir. Sovet təsviri sənət məktəbinin ən yaxşı ustadlarından dərs almış M.Hüseynov yeni nəsil Azərbaycan rəssamlarının yetişməsində də böyük işlər görmüşdür.
Tədbirdə onun tərtibat verdiyi kinofilmlərdən fraqmentlər nümayiş etdirilmişdir.
Foyedə sənətkarın rəngkarlıq əsərlərinin, filmlərə çəkdiyi eskizlərin sərgisi nümayiş etdirilmişdir.
Bölmənin digər xəbərləri
