MƏŞQÇİLƏR ŞURASININ İCLASI KEÇİRİLMİŞDİR
AZƏRTAC xəbər verir ki, fevralın 28-də AFFA-da futbol məşqçiləri şurasının iclası keçirilmişdir.
Yığma komandanın baş məşqçisi Şahin Diniyevin rəhbərliyi ilə keçən iclasda respublikanın tanınmış məşqçiləri Ağasəlim Mircavadov (Xəzər-Lənkəran), Yunis Hüseynov (Karvan), Əsgər Abdullayev (Olimpik) və “Gənclərbirliyi” klubunun vitse-prezidenti Vaqif Sadıqov iştirak etmişlər.
AFFA-nın baş katibi Fuad Əsədov milli yığmanın formalaşmasında klubların üzərinə mühüm vəzifə düşdüyünü diqqətə çatdıraraq, bu istiqamətdə birgə fəaliyyət planının qurulmasının vacibliyini qeyd etmişdir. Ş.Diniyevin məruzəsi dinlənildikdən sonra, məşqçilər fikir və təkliflərini bildirmişlər.
Tədbirdə milli komandanın bütün oyunlarının Məşqçilər Şurasının iclasında geniş müzakirə olunması və əvəzedici yığma komandanın yaradılması qərara alınmışdır.
Bölmənin digər xəbərləri
