MİLLİ QEYRİ-HÖKUMƏT TƏŞKİLATLARI FORUMUNUN NÖVBƏTİ QURULTAYI KEÇİRİLƏCƏK
Forumun idarə heyətinin sədri Aydın Kərimov, vitse-prezidentlər Fərasət Qurbanov və Dilarə Vəliyeva, təşkilatın diaspor mərkəzinin rəhbəri Rauf Zeyni və başqaları qurultaya hazırlıqla bağlı görülmüş işlər, keçirilmiş tədbirlər, eləcə də qurultayın proqramı barədə ətraflı məlumat vermişlər. 400-dək QHT-ni sıralarında birləşdirən forumun qurultayına 200-dən çox qonağın, həmçinin, 14 xarici təşkilatın nümayəndələrinin dəvət edildiyi diqqətə çatdırılmışdır. Qurultayda Dağlıq Qarabağ probleminin həlli istiqamətində beynəlxalq təşkilatlara müraciət, eləcə də bəyanat qəbul ediləcəyi vurğulanmışdır.
Sonda KİV nümayəndələrinin sualları cavablandırılmışdır.
