Mingəçevir Dövlət Universitetinin tələbələri təhsil kreditləri barədə məlumatlandırılıb
Bakı, 22 oktyabr, AZƏRTAC
Təhsil Tələbə Krediti Fondunun (TTKF) təbliğat-təşviqat məqsədli görüşləri davam edir.
Fondun İdarə Heyətinin sədr müavini Bəhruz Əzimov və əməkdaşı Ağamusa İsazadə Mingəçevir Dövlət Universitetinin tələbələri ilə görüşüb.
TTKF-dən AZƏRTAC-a bildirilib ki, görüşdə tələbələrə fondun fəaliyyət istiqamətləri haqqında məlumat verilib. Fondun fəaliyyətinin əsas məqsədinin təhsilə əlçatanlığı təmin etməkdən ibarət olduğu vurğulanıb, müraciət qaydaları və təhsil tələbə kreditlərinin verilməsi meyarları, təhsil tələbə kreditlərinə tətbiq edilən güzəştlər, möhlət dövrləri barədə tələbələr məlumatlandırılıb.
Bölmənin digər xəbərləri
