MİNSKDƏ YERLİ QƏZETİN JURNALİSTİ QƏTLƏ YETİRİLMİŞDİR

21.10.2004 [22:38]
Çap et
A⁺ A^-

AZƏRTAC-ın Minskdən aldığı xəbərə görə, oktyabrın 20-də “Solidarnost” qeyri-hökumət qəzetinin jurnalisti Veronika Çerkasova vəhşicəsinə qətlə yetirilmişdir. Şəhər Daxili İşlər İdarəsindən bildirmişlər ki, jurnalist bir gün əvvəl Myadel rayonuna ezamiyyətdən qayıtmışdı və səhər işə çıxmalı idi. Veronikanın işə çıxmadığını görən həmkarları onun qohumlarına zəng vurmuşlar.

Jurnalistin qohumları və həmkarları onun deşici-kəsici alətlə tanınmaz hala salınmış meyitini öz mənzilində aşkar etmişlər. Mənzilin dəmir qapısı zədələnməmiş, evdən heç nə aparılmamışdır. Kriminalistlər və müstəntiqlər güman edirlər ki, V.Çerkasova qapını özü açmışdır.

Hüquq mühafizə orqanlarının əməkdaşları belə bir fərziyyə də irəli sürürlər ki, jurnalistin qətli onun peşə fəaliyyəti ilə də əlaqədar ola bilər. V.Çerkasova digər mövzularla yanaşı, Belarus ərazisində müxtəlif təriqətlərin fəaliyyəti ilə bağlı materiallar üzərində də işləyirdi.

MİNSKDƏ YERLİ QƏZETİN JURNALİSTİ QƏTLƏ YETİRİLMİŞDİR

MÜƏLLİFLƏ ƏLAQƏ

Bölmənin digər xəbərləri