Misirli futbolçu Məhəmməd Salah “Liverpul” ilə yeni uzunmüddətli müqavilə imzalayıb
Bakı, 2 iyul, AZƏRTAC
Misirli futbolçu Məhəmməd Salah “Liverpul” ilə yeni uzunmüddətli müqavilə imzalayıb.
AZƏRTAC xəbər verir ki, 26 yaşlı hücumçu ilə yeni müqavilənin tarixi və müddəti açıqlamayıb.
M.Salah “Liverpul”a 2017-ci ildə İtaliyanın “Roma” klubundan keçib. Həmin mövsümdə bütün turnirlərdə 52 oyun 44 qol vurub və 16 məhsuldar ötürmə verib. Misirli futbolçu İngiltərə Premyer Liqasının 2017/2018-ci il mövsümündə 32 qol ilə ən yaxşı futbolçu seçilib.
Həmçinin Məhəmməd Salah Misir milli komandası ilə dünya çempionatında iştirak edib. Misir yığması “A” qrupunda üç məğlubiyyətlə mübarizəsini dayandırıb.
Bölmənin digər xəbərləri
