Mixail Şvıdkoy: Azərbaycan və Rusiya iki dost ölkələrdir
Bakı, 1 noyabr (AZƏRTAC). Üçüncü Bakı Beynəlxalq Humanitar Forumuna Rusiyadan yüzdən çox nümayəndənin qatılması Azərbaycan ilə Rusiyanın dost ölkələr olduğunu bir daha təsdiq edir.
AZƏRTAC xəbər verir ki, bu sözləri jurnalistlərə müsahibəsində Üçüncü Bakı Beynəlxalq Humanitar Forumun çərçivəsində keçirilən “Multikulturalizm və özgünlük: cəmiyyətdə dəyər konsensusu axtarışında” mövzusunda “dəyirmi masa”nın iştirakçısı, Rusiya Federasiyası Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy demişdir.
M.Şvıdkoy bildirmişdir ki, Bakıda artıq üçüncü ildir keçirilən Beynəlxalq Forum dünya humanitariyanın inkişafında mühüm rol oynayır. Bakı Beynəlxalq Forumu yeganə tədbirdir ki, burada alimlər, siyasətçilər və mədəniyyət işçilərinin nümayəndələri bir araya toplaşırlar. Dünyanın müxtəlif ölkəsindən çox saylı iştirakçıların Bakıya gəlməsi bir daha təsdiq edir ki, Foruma və tədbir çərçivəsində müzakirə olunan məsələlərə ehtiyac duyulur.
Bölmənin digər xəbərləri
