“MKT-ARAZ” FUTBOL KLUBU “YAZ KUBOKU” TURNİRİNİN QALİBİ OLMUŞDUR
AZƏRTAC xəbər verir ki, Azərbaycan yığma futbol komandasının Qazaxıstanda beynəlxalq turnirdə iştirakı ilə əlaqədar ölkə çempionatında yaranmış fasilədən bəhrələnən bəzi klublar Sumqayıtda “Yaz kuboku” turnirində güclərini sınamışlar.
Mehdi Hüseynzadə adına stadionda keçirilən turnirdə “MKT-Araz” (İmişli), “Karvan” (Yevlax), “Gənclərbirliyi” (Sumqayıt) və “Neftçi-2” (Bakı) klubları iştirak etmişlər.
Martın 12-də keçirilmiş son görüşlərdə “MKT-Araz” klubu “Karvan”ı məğlub edərək turnirin qalibi olmuşdur. Oyunun əsas və əlavə vaxtları 1:1 hesabı ilə başa çatmışdır. Qapılara təyin olunan 11 metrlik cərimə zərbələrini daha dəqiq yerinə yetirən İmişli futbolçuları 6:5 hesabı ilə qələbə qazanmışlar.
Üçüncü yeri “Gənclərbirliyi”nə 2:1 hesabı ilə qalib gələn “Neftçi-2” komandası tutmuşdur.
Bölmənin digər xəbərləri
