MOBİL TELEFON BAZARINDA MONİTORİNQ KEÇİRİLMİŞDİR
Nazirlər Kabinetinin müvafiq qərarına əsasən ticarət və məişət xidmətləri, digər növ xidmət qaydalarının icrasının vəziyyətini araşdırmaq məqsədi ilə 6 topdan və 10 pərakəndə satış mağazasında monitorinq aparılmışdır. Məlum olunmuşdur ki, əksər mağazalarda satılan malların qaimə-faktura və digər sənədləri yoxdur. Ayrı-ayrı fiziki şəxslər tərəfindən əsasən, Birləşmiş Ərəb Əmirliklərindən, Çindən və digər ölkələrdən gətirilmiş mobil telefonlar və onların aksessuarları zəmanətsiz satılır. Xaricdə yalnız bir operator tərəfindən istifadə olunması, şərti qiymətə satılması nəzərdə tutulmuş və bloklaşdırılmış telefonların proqram təminatına müdaxilə edilir, onların blokları açılır, yerli operatorların istifadəsi üçün yararlı vəziyyətə salındıqdan sonra satılır. İdxal olunmuş telefonların orijinal batareyaları, doldurucu cihazları, klaviaturası daha ucuz saxta hissələrlə əvəz edilir. İstehsalçı ölkə haqqında alıcıya düzgün məlumat verilmir.
Aşkar olunmuş qanun pozuntuları ilə əlaqədar İnzibati Xətalar Məcəlləsində nəzərdə tutulmuş inzibati tənbeh tədbirləri görülmüş və cərimələr tətbiq edilmişdir.
Mobil telefonlar və onların aksessuarları bazarında monitorinq davam edir.
Bölmənin digər xəbərləri
