MOLDOVA RUSİYAYA ŞƏRAB MƏHSULLARININ İXRACINI AZALDIR
O demişdir ki, buna baxmayaraq, şərab məhsullarının ixracında Rusiya bazarının payı hələ də yüksək, 75 faizindən çoxdur. Tarlev bunu bütün məhsulun yalnız Rusiyaya ixrac olunması ilə izah etmişdir. Baş nazirin fikrincə, Moldovanın şərabçılıq sahəsinə qoyulan xarici sərmayələrin əksər hissəsinin Rusiyanın payına düşməsi də burada mühüm rol oynamışdır. Lakin sərmayəçilər özləri də Rusiyanın Moldova şərablarından belə kəskin surətdə imtina edəcəyini gözləmirdilər. V.Tarlev bunu siyasi qərar kimi qiymətləndirmişdir.
Baş nazir demişdir ki, Moldova hökuməti şərab ixracı üçün yeni bazarlar tapılması istiqamətində bir sıra təcili tədbirlər həyata keçirmişdir. Moldova Ukrayna, Rumıniya və Polşa hökumətləri ilə, habelə Cənub-Şərqi Avropada sabitlik paktının üzvü olan dövlətlərlə bu ölkələrə şərab ixracının artırılması barədə razılıq əldə etmişdir.
Martın 27-də Rusiyanın baş sanitar həkimi G.Onişşenko Moldova və Gürcüstan şərablarında Rusiyada qadağan olunmuş pestisidlərin tapılması ilə əlaqədar bu ölkələrdən şərab idxalına qadağa qoymuşdur. Bu siyahıya konyak və şampan şərabı da daxildir. Həmin qərar Moldova iqtisadiyyatının başlıca sahəsində istehsalın dayanmasına səbəb olmuşdur.
Bölmənin digər xəbərləri
