MÜƏLLİF HÜQUQLARINA DAİR SEMİNAR
Martın 27-də “Xalq qəzeti”nin mətbuat mərkəzində Azərbaycan Mədəniyyət Fondu Avrasiya Fondunun maliyyələşdirdiyi “Audio məhsulların müəllif hüquqlarının müdafiəsi” layihəsinə dair beşinci seminar keçirmişdir. Seminarda mədəniyyət xadimləri, kütləvi informasiya vasitələrinin nümayəndələri iştirak etmişlər.
Azərbaycan Mədəniyyət Fondu sədrinin müavini Rafiq Kaşanlı tədbirin açılışında bildirdi ki, seminarda Rusiya mütəxəssisləri - “Rospatent”in təşkilat-hüquq idarəsinin rəis müavini, professor Sergey Luknitski və bu təşkilatın hüquqşünası Varvara Juravlyova mühazirə oxuyacaqlar.
Sonra çıxış edən qonaqlar Rusiya Federasiyasının və ABŞ-ın müəllif hüquqları və əlaqəli hüquqlar sahəsində qanunvericiliyindən, müəllif hüquqları təşkilatlarının yaradıcı şəxsiyyətlərlə qarşılıqlı fəaliyyəti metodlarından danışdılar. Rusiyalı mütəxəssislər müəllif hüquqlarının tanınması sahəsində məhkəmə işlərinin həlli ilə bağlı daha maraqlı hadisələrdən misallar gətirdilər.
Axırda qonaqlar seminar iştirakçılarının suallarına cavab verdilər.
Bölmənin digər xəbərləri
