MÜƏSSİSƏ MƏHSULLARINI XARİCİ BAZARA ÇIXARMAĞA HAZIRLAŞIR
AZƏRTAC-ın müxbiri xəbər verir ki, Goranboy avtomobil ehtiyat hissələri zavodunda 31 çeşiddə hava və yağ filtrləri istehsal edilir. Sexlərdə Türkiyə avadanlığı quraşdırılmışdır. Xammal Almaniyadan və Fransadan gətirilir. Türkiyədə 6 aylıq təcrübə keçən ustaların istehsal etdikləri məhsullar bütün standartlara cavab verir. Müəssisəni layihə gücü ilə işlətmək və daha çox məhsul istehsal etmək üçün qarşıya xarici bazarlara çıxmaq məqsədi qoyulmuşdur. Hazırda bir neçə MDB dövlətinin ticarət şirkətləri ilə danışıqlar aparılır.
Bölmənin digər xəbərləri
