“Muğam axşamları” layihəsinə yekun vurulacaq
Bakı, 15 dekabr, AZƏRTAC
“Muğam axşamları” layihəsinin yekun konserti dekabrın 27-də “Mənsuriyyə”, “Heydəri”, “Osmani” və başqa ritmik muğamlara həsr olunacaq.
AZƏRTAC xəbər verir ki, Beynəlxalq Muğam Mərkəzində reallaşacaq konsertdə muğamların müxtəlif şöbələrini xalq çalğı alətləri ansamblının müşayiəti ilə dinləyicilərə respublikanın tanınmış ifaçıları çatdıracaq. İcrasına cari ilin mayında “Rast” muğamı ilə start verilmiş möhtəşəm layihəyə sözügedən konsert proqramı ilə yekun vurulacaq.
Qeyd edək ki, layihə çərçivəsində təqdim edilən konsertlərdə “Mahur-hindi”, “Bayatı-Kürd”, “Orta Mahur”, “Rahab”, “Bayatı-Qacar”, “Şahnaz”, “Qatar”, “Segah”, “Dəşti”, “Mirzə Hüseyn Segahı”, “Xaric Segah” və digər muğamlar ifa edilib.
Bölmənin digər xəbərləri
